падпicка

пошук па архiве

з:
па:

Падзеi

ЛІЦЬВІНСКАЯ МЕЛОДЫЯ Ф. ШАПЭНА

10 сакавiка 2010Музыка
Месца: Мінск, Зала імя Р. Шырмы Беларускай дзяржаўнай філармоніі, пр. Незалежнасці 50

 
Фрыдэрыку Шапэну не было наканавана апынуцца на землях Беларусі, аддзеленых у той час ад яго роднай Варшавы мяжой з Расіяй. Тая мяжа сапраўды існавала на мапах, у свежых памежных слупах і бяздушных мытніках. Аднак у свядомасці тагачаснага жыхара Польскага каралеўства былое ВКЛ азначала толькі ўсходнюю частку яго вялікай радзімы – Рэчы Паспалітай. Таму ліцьвінская (а сёння мы б казалі, беларуская) мелодыя нязменна была ўплецена ў партытуру лёсу і творчасці Шапэна. Гукі гэтай мелодыі – асобы, якія сустракаліся на жыццёвым шляху вялікага ГЕНІЯ, а таксама іх творчасць, што натхняла яго цудоўную музу. “Гістарычныя спевы” Ю. У. Нямцэвіча, паэмы і балады А. Міцкевіча, паланэзы Ю. Дашчынскага, вальсы і малюнкі Н. Орды – усё гэта стварала адзіны шапэнаўскі космас. А гэта значыць – Шапэн бліжэй да нас, чым падаецца. У гэтым можна пераканацца, наведаўшы канцэрт, які адбудзецца 10 сакавіка а 19 гадзіне ў Малой залі Беларускай філармоніі імя Р. Шырмы ў выкананні ансамбля салістаў “Класік-Авангард” пад кіраўніцтвам У. Байдава.
 
У праграме:
І аддзяленне:
Ф. Шапэн (1810-1849) Паланэз Сі-бемоль мажор
М. Кл. Агінскі (1765-1833) – Р. Палестэр (1907-1989) Сюіта “Паланэз”
Ф. Шапэн сл. С. Вітвіцкага “Літоўская песенька” (1831)
В. Жыўны (1756-1842) Паланэз До мажор А. Радзівіл (1775-1833) “Балада аб фульскім каралі” з оперы “Фаўст”
Ф. Шапэн Прэлюдыя Рэ-бемоль мажор № 15
Ю. Дашчынскі (1781-1844) Паланэз До мажор
 
ІІ аддзяленне:
Н. Орда (1807-1883) Вялікі вальс Мі-бемоль мажор 7’
З “Гістарычных спеваў” Ю. У. Нямцэвіча
 М. Шыманоўская (1789-1831) Ядзвіга, каралева Польшчы”
Ф. Шапэн Накцюрн до мінор ор 48 № 1
С. Манюшка (1819-1872) Мазурка Рэ мажор
Ф. Шапэн, сл. А. Міцкевіча“Прэч! каб не бачыў” “Мая пястунка”
К. Тызенгаўз (1786-1853) Вянок танцаў До мажор
М. Карловіч (1876-1909) “Залатыя дні”
Ф. Шапэн Прэлюдыя Ля-бемоль мажор № 17