падпicка

пошук па архiве

з:
па:

Падзеi

РЭПАРТАЖЫ З МЕРАПРЫЕМСТВАЎ

«Плакаты вельмі польскія» ў Брэсце

23 лістапада 2016 года абылося адкрыццё выставы плаката Рышарда Каі “Плакаты вельмі польскія” ў Выставачнай зале Абласнога грамадска-культурнага цэнтра.
У вернісажы ўзялі ўдзел Дырэктар выставачнай залы Кацярына Шаўчэнка, Дырэктар Польскага Інстытута ў Мінску Матэўш Адамскі, мастачка Кая Рэнкас, Намеснік кіраўніка Упраўлення культуры Брэсцкага аблвыканкама Вячаслаў Гарбузаў, мастак Леў Алімаў.
На выставе прадстаўлены плакаты Рышарда Каі з серыі «Польшча», тэатральныя плакаты, а таксама работы Каі Рэнкас з серыі «Кая для Каі», якая з'яўляецца своеасаблівым творчым дыялогам двух мастакоў.
 
 
 
 
 
Рышард Кая нарадзіўся ў 1962 годзе ў Познані ў сям’і вядомых мастакоў. Скончыў Вышэйшую мастацкую школу ў Познані. У якасці сцэнографа дэбютаваў у 1989 годзе ў Вялікім Тэатры ў Лодзі, аформіўшы спектакль «Эрнані» па Віктару Гюго. За гэтую працу ён атрымаў сваю першую прэмію «Залатая маска». На працягу 20 гадоў працаваў галоўным мастаком-пастаноўшчыкам у Вялікім Тэатры ў Лодзі (1989-1993), Тэатры оперы і аперэты ў Шчэціне (1993-1995) і ў Вялікім тэатры імя Станіслава Манюшкі ў Познані (1995-1999). Ён з'яўляецца аўтарам больш за 200 сцэнаграфій для тэатра, балета, оперы, тэлебачання і некалькіх фільмаў. Працаваў для большасці музычных сцэн Польшчы і іншых краін, у тым ліку Францыі, Германіі, Бразіліі, Аргенціны, Ізраіля і Егіпта.

Асноўныя напрамкі, у якіх працуе мастак - гэта жывапіс і графіка, тэатральныя і оперныя пастаноўкі, графічны дызайн і дызайн інтэр'ера. Кая працуе, галоўным чынам, на паперы (гэта рысункі і карціны каляровым тушам, акварэллю і гуашшу), часта ён выкарыстоўвае далікатную кітайскую паперу, а карціны маслам узнікаюць спарадычна. Рышард Кая праектуе таксама кніжныя ілюстрацыі, тэатральныя праграмы, каталогі і, перш за ўсё, плакаты, якіх паўстала каля 300.

Рышард Кая з'яўляецца яркім і значным прадстаўніком Польскай школы плаката. Звяртаючыся да лепшых традыцый польскага плаката, Рышардам Каей, па замове Галерэі польскага плаката ва Ўроцлаве, была створана Серыя «Польшча», якая складаецца на сённяшні дзень з больш за 100 работ, якія дзіўна лёгка і гумарыстычна распавядаюць пра асаблівасці і тыповыя рысы польскіх гарадоў і культуры.

Спецыяльна на адкрыццё выставы прыехала мастачка Кая Ренкас, каб прадставіць свае працы з серыі «Кая для Каі». Ідэя гэтага сумеснага праекту двух мастакоў нарадзілася некалькі гадоў таму і з'яўляецца вынікам часткова выпадковай, часткова наўмыснай сустрэчы Рышарда Каі і Каі Ренкас. Падобнае эстэтычнае ўспрыманне, жаданне творчых эксперыментаў, разуменне творчасці адзін аднаго, любоў да падарожжаў і цікаўнасць да свету, як мастацкага, так і рэальнага, прывялі да ідэі стварэння шэрагу сумесных праектаў. Серыя «Кая для Каі» - гэта шматабяцальны прадмова ў ажыццяўленні гэтай задумы.

Кая Рэнкас працуе ў жанры плаката, графічнага дызайну і прыкладной графікі. Выкладае графічны дызайн у Інстытуце мастацтва Сілезскага універсітэта. Лаўрэат розных конкурсаў у галіне плаката. Прымала ўдзел у шматлікіх міжнародных выставах графікі і плаката ў Польшчы, Балівіі, Іране, Фінляндыі, Японіі, Расіі і г.д. Яе індывідуальныя выставы былі арганізаваны ў Польшчы, Германіі, ЗША, Турцыі, Бельгіі. З’яўляецца выкладчыкам майстар-класаў у Northern Illinois University (ЗША), Bilkent University (Турцыя), Glyndwr University (Вялікабрытанія). Член журы Міжнароднага конкурсу карыкатуры «Сатырыкон» у Легніцы (2014) і Міжнароднага біенале графікі ў Секеі (2016).

Выстава доўжыцца да 8 снежня 2016 г.


2019: Снежань | Лiстапад | Кастрычнiк | Верасень | Жнiвень | Чэрвень | Май | Красавiк | Сакавiк | Люты | Студзень
2018: Снежань | Лiстапад | Кастрычнiк | Верасень | Жнiвень | Ліпень | Чэрвень | Май | Красавiк | Сакавiк | Люты | Студзень
2017: Снежань | Лiстапад | Кастрычнiк | Верасень | Жнiвень | Ліпень | Чэрвень | Май | Красавiк | Сакавiк | Люты | Студзень
2016: Снежань | Лiстапад | Кастрычнiк | Верасень | Жнiвень | Ліпень | Чэрвень | Май | Красавiк | Сакавiк | Люты | Студзень
2015: Снежань | Лiстапад | Кастрычнiк | Верасень | Жнiвень | Ліпень | Чэрвень | Май | Красавiк | Сакавiк | Люты
2014: Снежань | Лiстапад | Кастрычнiк | Верасень | Ліпень | Чэрвень | Май | Красавiк | Сакавiк | Люты | Студзень
2013: Снежань | Лiстапад | Кастрычнiк | Верасень | Жнiвень | Ліпень | Чэрвень | Май | Красавiк | Сакавiк | Люты